Ný útkomin bók

eftir Ragnar Viktor Karlsson

Maðurinn sálin og mannkynið

Andleg fræðibók

Maðurinn gengur í gegnum  fimm tímabil á mannsævinni. Hann er ungabarn, barn, ung manneskja, fullorðinn og loks gamall. Lífssýn, skoðanir og viðhorf breytast með hækkandi lífaldri.

Sálin lifir mörgum lífum hér á jörðinni og þroskast frá lífi til lífs í hægum skrefum og gengur hún í gegnum sömu tímabil og mannsævin.

Mannkynið er stækkuð mynd af för sálarinnar og mannsins.  Lífið hér á jörðinni, viðhorf, straumar og stefnur eru síbreytileg og breytast með hækkandi meðalaldri mannkyns.

Mannsævin er talin í áratugum, för sálarinnar í öldum og för mannkyns í þúsundum ára.

Mannkynið er um þessar mundir að fara af ungatímabilinu yfir á það fullorðna og fylgir því mikill glundroði hvort sem er í stjórnarháttum og eða veðurfari. Gömul stjórnkerfi og stjórnarhættir eru að líða undir lok og nýir að taka við og þessu fylgja mikil átök manna á milli en allt er þetta eðlilegur þroskaferill mannkyns, sálarinnar og mannsins.